Politikani serb Nikola Sanduloviç vizitoi Kompleksin Memorial në Prekaz ku ka bërë homazhe pranë varrezave të Adem Jasharit. Sanduloviç gjithashtu tha se është politikani i vetëm serb, i cili ka kërkuar falje për krimet e bëra nga Serbia.
Familjarët e kryetarit të Partisë Republikane Serbe, Nikola Sandulovic, deklaruan më heërët se ai është rrahur brutalisht nga policia sekret serbe, në godinën e BIA-s. Në mesin e personave, të maskuar, që e kanë rrahur, Sanduloviç thotë se ka njohur Milan Radojiçiçin, ish-politikanin serb nga veriu i Kosovës, organizator i sulmit terrorist të 23 shtatorit në Banjskë.
“Sapo kam dëgjuar nga gruaja e Nikolla Sanduloviçit, e cila më ka thënë se në periudhën prej orës 16:00. deri në orën 20:00. ai u dërgua kundër dëshirës së tij nga shërbimet e sigurimit, pjesëtarët e të cilëve e rrahën gjatë asaj periudhe dhe ushtruan dhunë brutale, si pasojë nga dhoma e tyre u dërgua në spitalin ushtarak VMA, ku u mbajt deri në pasditen e sotme pa dhënë. çdo njoftim për familjen ose avokatët e tij. Një ambulancë e solli në shtëpi pak kohë më parë”, kështu ka bëre të ditur edhe avokati Čedomir Stojković, shkruajnë mediat kosovare.
Avokati ndërkohë pretendon se i është hequr një pjesë e djathtë e trupit. Ai ka deklaruar se gjatë kohës që dhunohej është filmuar dhe kjo video i është dërguar dikujt.
“Ata e kanë filmuar teksa po e rrahin dhe ato video ia kanë dërguar dikujt. Ai u arrestua dhe u rrah për shkak të një videoje në rrjetin social X (ish-Tëitter), ku shihet duke vendosur kurorë lulesh në monumentin e familjes Jashari në Kosovë. Ai u akuzua për përhapje të intolerancës fetare, kombëtare dhe racore dhe në fakt u arrestua për vendosjen e luleve mbi varrin e një shqiptari. Pavarësisht se çfarë mendon dikush për Jasharin, si çdo qytetar tjetër i Serbisë, edhe Sanduloviç ka të drejtën e mendimit të tij. Për më tepër, regjistrimi është një ose dy vjet i vjetër. E gjithë kjo është bërë sipas recetës së Millosheviçit, në kohën kur ministër i Informimit ishte Aleksandar Vuçiç. Në të njëjtën kohë kur Sanduloviç u arrestua dhe u rrah brutalisht, mediat e regjimit nisën një fushatë kundër tij”, thotë avokati Çedomir Stojkoviç.